کشمیر میں آتشزدگی کا ایک اور پرسرار واقعہ ، حضرت باب عطار الدین کی آستان کو شدید نقصان

سری نگر: وادی کشمیر میں آتشزدگی کے ایک پراسرار واقعہ میں ایک اور آستان کو نقصان پہنچا ہے۔ قابل ذکر ہے کہ اس واقعہ سے قبل ایپل ٹاون سوپور میں آتشزدگی کے پراسرار واقعہ میں ایک مسجد اور ایک آستان کو شدید نقصان پہنچا تھا۔ فائر اینڈ ایمرجنسی محکمہ کے ایک افسر نے بتایا کہ وسطی کشمیر کے ضلع گاندربل کے آرونی میں



واقع حضرت باب عطار الدین صاحب کی آستان شریف میں آگ نمودار ہوئی۔ انہوں نے بتایا کہ اس سے پہلے کہ فائر ٹینڈرزاور مقامی لوگ موقع پر پہنچتے ، دو منزلہ آستان شریف کو شدید نقصان پہنچا تھا۔ مذکورہ افسر نے بتایا کہ آگ اس قدر بھیانک تھی کہ اس میں اخروٹ کے کچھ درخت بھی جل گئے ہیں۔ انہوں نے بتایا کہ آگ لگنے کی وجہ معلوم کی جارہی ہے۔